औचाट...

वीक पराणी पार, 
थौ लै निरोंछी |
आपाण बाड़- ख्वाडाकि  खबर, 
उकें अपूण हैबे सकर रोंछी |
पाँख जास उड़े गाय ऊँ,
जो नन्तिना पार पराणी वीक रोंछी|   
हदगयी श्योव करीछी जाना लिजी,
छोड़  गयी ऊं यकाल उकैं,
अन्यार कुणम ,
शांशौक दी जस |
कैहेंते  फेडीं 
अपन पराणी असंत ,
ही भरी जाँ वीक,
जब  याद ऐं आपाणकि  |
आन्गम छटबटाट  पडूँ,
जब कल्जौमुनाव पार औषाण आँछ, 
और आँख लैजानी शरग,
चानी ब्याणतारै मुखडी |
आयी आश लै जाली नई दिनकी,
फिर दौंकार आयी उठल , 
जो फेड़ी जाल कुटव - दातुलील,
बाड़ ख्वाडा में........................
वाड-शयोनू में........................
मरण - मरण जालै |